HStAOrient5a: 57r

istidlāl olmışdur zīrā lafẓ‑i uffden münfehim olan maʿnā‑yi eẕādur // [ezā] ḫod żarbda maʿa‑ziyāde müteḥaqqıqdur. Pes żarbuñ ḥurmeti evlevīyet // ile oldı s̱ābit oldı. Ve iqtiżāʾ‑i naṣṣdur. İqtiżāʾ‑i naṣṣ // ġayr‑i manṭūqı qılmaqdur maʿnā‑yi manṭūqı taṣḥīḥ içün. Mes̱elā bir kimesne // aʿtiq ʿabdaka ʿannī bi‑alfin yaʿnī quluñı benden biñ aqçeye āzād // qıl dėse muqaddemā iqtiżāʾ‑i naṣṣ ile beyʿ s̱ābit oldı. Baʿdehū // ʿabd āzād olur. Kelām‑i ʿāqili laġvden ṣıyānet içün ve mefhūm‑i // muḫālife kim manṭūqa muḫālif meskūtün ʿanhda ḥükm is̱bāt // ėtmekdür. Ḥanefīye qatında ḥücec‑i fāsidedendür. Şāfiʿī qatında ḥüccet‑i // ṣaḥīḥadur faḥvā‑i ḫiṭāb dėrler. Mesʾele fī taqlīdi l‑muqallid: Taqlīd ki [ġayruñ] // qavlini bi‑lā delīl qabūldür uṣūl‑i dīnde ve fürūʿ‑i dīnde ḥüccet // olmaz. Qāla llāhu taʿālā A‑wa‑law kāna ābāʾuhum lā yaʿlamūna šayʾan wa‑lā yahtadūna. // El-āyet. Ammā īmān‑i muqallid qavl‑i muḫtārda ṣaḥīḥdür Ḥanefīyede ve Şāfiʿīyede. // Ammā muqallid olduġı iʿtibārıyla degül belki taṣdīqi ḥaqqa muvāfıq // olduġı iʿtibārıyladur Ammā icmāʿ‑i ʿulemā bunuñ üzerinedür ki // muqallid terk‑i istidlāl ile ʿāṣī olur. Mesʾele: Ehlīyet‑i // ḫiṭāb ve maḥallīyet‑i teklīf ne iledür? Cevāb: Ehl‑i sünnet meẕhebinde // is̱bāt‑i ehlīyetde ʿaql muʿteberdür ve ʿuqūl mütefāviten ḫalq olınmışdur. // Nice ṣaġīr derece‑i kemāle müteraqqī olur ve niçe kebīr vardur ki